Artist-in-residence -Møre og Romsdal

Pilotprosjekt: Artist-in-residence – Møre og Romsdal 

Møre og Romsdal fylkeskommune ønskjer å stimulere til auka kunst- og kulturproduksjon i fylket gjennom kunstnarresidensar. Kunst- og kulturlivet i fylket skal få auka moglegheit til nasjonale og internasjonale impulsar, samt styrke og vidareutvikle nettverk og arenaar for produksjon og formidling av profesjonell kunst. 

Vi søkjer no etter aktørar som vil utvikle Artist-in-residence i Møre og Romsdal. Ordninga er eit toårig pilotprosjekt.  

Kven kan søke?

• Profesjonelle kunstnarar, arrangørar eller andre aktørar som har kunstnarresidensar som ein del av verksemda si, eller som ønskjer å utvikle slike.

• Søkar skal ha organisasjonsnummer i Brønnøysundregistrene

• Søkar skal drive aktivitet i Møre og Romsdal. 

Krav til prosjektet:

• Residensen skal vere ope for profesjonelle, nasjonale eller internasjonale kunstnarar frå alle felt: visuell kunst, forfattarar, kunsthandtverkarar, filmprodusentar, filmregissørar, dansarar, koreografar, scenekunstnararar, performance-artistar, komponistar, musikararar, kuratorar, lyd- og nye media-artistar.

• Residensen skal tilby gratis arbeidsplass og bustad til minimum 6 kunstnarar i løpet av prosjektperioden. 

Søknaden skal innehalde:

• Beskrivelse av omfang og organisering av residensen

• Kriterium for utveljing av kunstnarar til opphald

• Synleggjering av kva kunstnaropphaldet skal generere til Møre og Romsdal.

• Budsjett og finansieringsplan 

Kva kan det søkast støtte til?

• Utvikling og drift av kunstnarresidensar i Møre og Romsdal

• Husleige og driftsutgifter som strøm, reinhald, lys, forsikring etc. i prosjektperioden.

• Administrasjon av ordninga (prosjektleiing)

• Marknadsføring

• Max 10 prosent av dei totale kostnadane kan gå til oppussing av lokalet

• Ein vil ikkje kunne søke om midlar til større investeringar i lokale eller utstyr, men vi gjer merksam på Kulturrådet si støtteordning «utstyrsstøtte til fellesverksteder» 

Midlane kan ikkje nyttast til utanlandsopphald for drivarar av prosjekta og kunstnarar i Møre og Romsdal. 

Budsjett og finansiering

• Prosjektet kan ha ei kostnadsramme på inntil kr. 300 000.

• Fylkeskommunen kan dekke inntil 50 prosent av totale kostnadar innafor kvart prosjekt, altså inntil kr. 150 000.

• Søkar må dokumentere finansiering av resterande 50 prosent.

• Eigenfinansiering kan vere eigne pengar eller arbeidstimar. Timar kan prisast til inntil 600 kr per time.

• Tilskot blir utbetalt etter at vi har motteke dokumentasjon på faktiske utgifter. 

Institusjonar som fullt ut er offentleg finansiert kan ikkje søke. 

Vurdering av søknad

Søknadane vil bli vurdert ut frå residensen si vektlegging av kunst- og kulturfagleg kvalitet og profesjonalitet, aktivitetsmengde og gjennomføringsevne. Residensar som i tillegg til produksjon inneber tilbod til publikum vil bli prioritert. 

 SØKNADSFRIST 09.10.16

Kontaktpersonar:

Carina Stokke

Tlf: 71 25 89 02/48 26 26 71

e-post: carina.stokke@mrfylke.no

Hanne Brakstad

Tlf: 71 25 88 38/92 28 77 66

e-post: hanne.brakstad@mrfylke.no