(Du er ikke pålogget) 
 

Attraktive tettstader og bygder i distrikta i Rogaland

 Retningsliner for støtteordninga:          ATTRAKTIVE TETTSTADER OG BYGDER I DISTRIKTA I ROGALAND.

 

HOVUDFØREMÅLET: Styrka og utvikla attraksjonskrafta til bygdene i distrikta. Midlane skal brukast til å byggja opp om målet om levande bygder og lokalsamfunn.    

Attraktivitet inneheld dei tre dimensjonane besøksattraktivitet, bedriftsattraktivitet og bustadattraktivitet.

 

FØREMÅLET:

  • Leggja til rette for næringsutvikling. Skapa nye arbeidsplassar og vidareutvikla eksisterande arbeidsplassar med søkjelys på å styrka bedriftsattraktiviteten til tettstadene og bygdene. 

  • Leggja til rette for næringsutvikling. Skapa nye arbeidsplassar og vidareutvikla eksisterande arbeidsplassar med søkjelys på å styrka besøksattraktiviteten til tettstadene og bygdene. Utvikla gode reisemål med natur- og kulturbaserte aktivitetar og opplevingar og koplingar mellom mat og reiseliv.  

  • Leggja til rette for lokalsamfunnsutvikling. Styrka bustadattraktiviteten med søkjelys på brei involvering og kva som må til for å auka bulysta, blilysta og tilflyttinga til bygdene.   

 

KVEN KAN SØKJA: Kommunane Bokn, Finnøy, Vindafjord, Kvitsøy, Suldal, Hjelmeland, Lund, Sokndal, Utsira og Sauda.

Næringshagar, grendelag, bygderåd, sentrumsforeiningar, frivillige organisasjonar og næringsorganisasjonar i desse kommunane.

 

KORLEIS SØKJA: Søknaden skal opprettast og skrivast elektronisk i www.regionalforvaltning.no under støtteordninga Attraktive tettstader og bygder i distrikta.

Søknadsfrist: Fyrst til mølla med gode søknader. Me viser til e-post dagsett 2.november 2018.

Kontaktperson for korleis bruka www.regionalforvaltning.no:     Torhild Haugen, telefon 51 51 69 28.

Kontaktperson for støtteordninga:                                                     Sissel Bakke, telefon 51 51 66 23.

 

KVA OG KOR MYKJE KAN DET SØKJAST OM: Det kan gjevast økonomisk støtte til utviklingstiltak som fellestiltak, mobilisering, forprosjekt, mindre fysiske og varige investeringar, kartlegging av kva som er mogleg å få til, samarbeidsprosjekt osb.

Det kan gjevast inntil 50 % økonomisk støtte av godkjend budsjett. Maksimal støtte er kr. 250.000. Godkjend timepris for eigeninnsats er maks. 1 promille av brutto årsløn med ei grense på 800 kroner per time. Det kan betalast ut 80 % av støtta når prosjektet startar. Resten vert betalt ut når det ligg føre sluttrapport og prosjektrekneskap.

 

 VURDERINGAR

Kva blir lagt vekt på i vurderingane av søknader:

  • Potensial for å styrka attraksjonskrafta    

  • Potensial for økonomisk verdiskaping. Det blir og lagt vekt på sosial verdiskaping, kulturell verdiskaping og miljømessig verdiskaping.

  • Forankring i regionale og lokale bygdeutviklingsstrategiar

  • Samspelseffektar. Tverrsektorielt samarbeid

  • Medverknad og involvering

 

VILKÅR TIL STØTTE

  • Dei som får støtte skal dela erfaringar og kunnskapar frå prosjekta på nettverkssamlingar for kommunane. Det er kommunane som har hovudansvaret for å leggja til rette for næringsutvikling og verdiskaping i eigen kommune. Det krev at kommunane har kunnskap om korleis dei får det til.

  • Prosjektet/tiltaket må gjennomførast i samsvar med søknaden og godkjend budsjett. Om det skal gjerast endringar, må desse fyrst verta godkjende av fylkeskommunen.

  • Det skal førast eit prosjektrekneskap i samsvar med postane i budsjettet.

 

 

 

Støtteordninger


Flere utvalg på støtteordninger
De siste ordningene innen