Kommunal kompensasjonsordning runde 6

Hjelmeland kommune -  kommunal kompensasjonsordning til lokale verksemder januar 2022

Bedrifter i Hjelmeland kommune som er ramma av Covid-19 pandemien kan søkje om støtte gjennom kommunal kompensasjonsordning. Stortinget vedtok den 21. desember 2021 å løyve midlar til kommunane for å kompensera lokale bedrifter som er ramma av smitteverntiltak. I denne runden er Hjelmeland kommune tildelt fra Kommunal og moderniseringsdepartementet kr 419 000.

Staten har sett i verk fleire tiltak for å kompensera ulempene bedriftene har som følgje av innførte restriksjonar under pandemien. Målet med ordninga er å avhjelpe situasjonen for lokale verksemder for å oppretthalda arbeidsplassar og viktig kompetanse i bedriftene.

Bedrifter i følgjande bransjar kan søkje:

• Serveringsverksemder
• Overnattingsverksemder
• Reiseliv
• Andre bedrifter som kan dokumentera å vera ramma av smitteverntiltak eller nedstenging, med tilhøyrande auka kostnadar, tap av omsetjing eller risiko for å miste viktig arbeidskraft.

Kommunane har stor frihet til å tilpassa kva verksemder som kan støttast avhengig av den lokale situasjonen.

Det vil bli vektlagt om søkjaren har falle heilt eller delvis utanfor andre kompensasjonsordningar og har mist kundegrunnlaget som følgje av smittevernstiltak. Kostnader og tap må vera knytta til perioden frå og med 01.05 - 31.12.2021.  Dersom mulig er det ønskjeleg at omsetjing blir vist i forhold til same periode i 2019. Bedrifter som er under konkursbehandling eller under avvikling kan ikkje søkje.

Ordninga omfattar

• Tapt omsetning i perioden 01.05.2021 - 31.12.2021
• Auka kostnader for eksempel som følgje av smitteverntiltak
• Tap av varelager

Kriterier

Støtta blir berekna forholdsmessig ut frå søknadsgrunnlaget, dokumentasjon, mengda søknadar og tilgjengelege midlar til fordeling.

Verksemda må ha operativ verksemd i Hjelmeland kommune.

Bedrifter utan tilsette kan ikkje søke. Unntak er enkeltpersonføretak der servering og/eller overnatting er ein vesentleg del av inntekta.

Krav til søknaden og vedlegg

Ei kort utgreiing om kvifor søkjaren har omsetjingssvikt og/eller meirkostnadar, og ei spesifisering av tapt omsetjing og/eller meirkostnadar (avbestillingar, fakturaer gjeldande for Covid-tiltak med vidare) må leggjast ved søknaden. Ei forklaring på kvifor verksemda er særleg hardt ramma av nasjonale smitteverntiltak. 
Antall tilsette og antall årsverk må også gjerast greie for i eit vedlegg.
Informasjon om all mottatt offentleg støtte dei 3 siste åra må fyllast ut i skjemaet. Om selskapet er ein del av eit konsern må det oppgis både hvor mykje selskapet isolert sett har mottatt og hvor mykje konsernet har mottatt.

Opplysningar som blir gitt i søknaden, vil i utgangspunktet vera offentleg etter offentlighetsloven. Dersom du ønskjer å gi opplysningar som kan vera taushetsbelagt eller omtalar av konkurransemessige forhold, tilrår me å lasta desse opp som vedlegg til søknaden.

Søknaden er basert på tillit, men kommunen kan komma til å be om stadfesting av opplysningar gitt i søknaden frå regnskapsfører/revisor .

Støtta blir gitt etter reglane for offentleg støtte og nasjonal notifisert ordning under Covid-19 rammeverket (Dec. No 031/21/COL).

Korleis søkje?: Søknadar skal sendast elektronisk via regionalforvaltning.no

Søknadsfrist:  15.02.2022

Kontaktperson
For spørsmål og hjelp i søknadsprosessen, ta kontakt med Torborg Kleppa på tlf . 40 43 91 23 eller e - post: torborg.kleppa@hjelmeland.kommune.no