Tilskott til prosjekt og arrangement med stor verdi for omdømebygging og/eller viktige ringverknadar for lokalt næringsliv

Tilskotsordninga gjeld søknader om støtte, frå frivillige og ideelle organisasjonar eller privatpersonar, andre aktørar som fell utanfor andre ordinære støtteordningar (kulturmiddel/næringsutvikling enkeltverksemder) i Bykle kommune.

Aktøren kan søke om arrangement, prosjektstøtte og/eller driftsstøtte.

Det blir ikkje gitt tilskot til:
a) organisasjonar, foreiningar, stiftelsar, enkeltpersonar eller tiltak med økonomisk formål eller kommersiell karakter.
b) tiltak eller prosjekt som kvalifiserer til kulturmidlar eller andre kommunale ordningar for støtte/driftsstøtte.

For prosjekt/ arrangement som dekker Setesdal, kan det være aktuelt å søkje Setesdal interkommunale politiske råd - SIPR om tilskot.
Næringsavdelinga skal gjere ei kvalitetsvurdering av prosjektet og søkjaren.

Felles vilkår for å motta støtte
Mottakar pliktar å stille til oppfølgingsmøte (administrativt eller politisk) og bidra i evaluering av resultata. Kommunen kan be om kort presentasjon på nettverkssamling. Støttemottakarar skal og opplyse om at dei har motteke støtte frå kommunen der det er naturleg. 

Søknadsfristar
Det er to faste søknadsfristar i året: 15. april og 15. oktober. Søknader vert normalt handsama innan seks veker etter fristen.

Om Næringsramma
Næringsramma er eit verkemiddel i arbeidet for å styrke og utvikle næringslivet i Bykle kommune. Den årlege næringsramma blir fastsett årleg i kommunens handlingsplan (økonomiplan) og budsjett. Løyvingar blir tildelte i hovudsak frå midlar satt disponible i næringsramma, og i tråd med målsettingane som vedtatt i strategisk næringsplan. Deler av næringsfondet blir disponert gjennom forhandsløyvde midlar og avsett i kommunens handlingsplan og årlege budsjett.

Næringsramma skal nyttas til å styrke og vidareutvikle eksisterande verksemder, til å fremje etablering av ny næringsverksemd, og til å tiltrekke etablert verksemd. Næringsramma kan og nyttast til tiltak i næringsavdelinga sin regi for arrangement og kurs for næringslivet, til tiltak for å marknadsføre kommunen som ein attraktiv stad å etablere seg, eller sin verksemd.

Føremålet med dei ulike lokale støtteordningane er å oppfylle kommunen sine til ei kvar tid gjeldande målsettingar i kommuneplan, og meir konkrete næringspolitiske målsettingar uttrykt i strategisk næringsplan.

Tiltak frå lag eller organisasjonar som fell mellom næring og kultur/idrett og som bidrar til å marknadsføre kommunen eller har viktige ringverknadar for lokalt næringsliv, kan søke støtte innafor eigen ordning her.