(Du er ikke pålogget) 
 

2018 Kommunale næringsfond for Sogndal - og Leikanger kommune

Næringsfond og rettleiing 

Sogn Næring AS forvaltar det kommunale næringsfondet for Sogndal kommune og Leikanger kommune som primært kan nyttast til næringsutvikling, nyetablering og bedriftsutvikling. Fondet kan støtte både bedriftsretta tiltak og tilretteleggande tiltak og prosjekt.

Det kommunale næringsfondet skal i første omgang leggje til rette for og gje støtte til nyetableringar og til dei minste verksemdene. Fondet kan også nyttast til foranalysar og forprosjekt for utvikling av nye forretningsområde og lokalmarknadsbaserte prosjekt i større verksemder.

Fondet dekkjer i hovudsak tre typar tilskot:

  • Investeringstilskot

  • Bedriftsutviklingstilskot

  • Tilskot til tiltaksapparat og kunnskapsretta infrastruktur

Følgjande kapitalgrenser er sette for å leggje til rette for ei arbeidsdeling mellom kommunalt næringsapparat og Innovasjon Norge:

  • Investeringstilskot til investeringar i bygg, utstyr og maskinar. Søknader med samla kapitalbehov (totalkalkyle) inntil kr 500.000 blir finansiert gjennom kommunalt næringsfond/kraftfond

  • Bedriftsutviklingstilskot til etablerarstipend, produktutvikling, marknadsundersøkingar,planlegging, konsulenttenester og opplæring. Søknader med samla kapitalbehov (totalkalkyle) inntil kr 100.000 blir finansiert gjennom kommunale næringsfond

  • Tilskot til tiltaksapparat og kunnskapsretta infrastruktur. Dette gjeld regionalt samarbeid, etableraropplæring, samarbeid skule/næringsliv og lokale analyser/utgreiingar. Her er det ikkje sett kapitalgrense

  Regelverk, vilkår og prioriteringar

  • Næringsfondet skal nyttast i samsvar med nasjonale og fylkeskommunale føringar, og skal nyttast til tiltak som har som føremål å fremje næringsutviklinga i kommunane

  • Næringsfondet kan nyttast til miljøsertifisering av verksemder, eksempel på sertifiseringsordningar er Miljøfyrtårn, ISO 4001 og EMAS

  • Det er ikkje høve til å nytta midlar frå næringsfondet til verksemder som mottek omfattande overføring over offentlege budsjett

Fondstyret ynskjer ei miljøvennleg utvikling av lokalsamfunnet. Prioriterte område:

  • Nyetableringar og utvikling i etablerte verksemder som tilfører produkt og/eller tenester som i dag ikkje finst i regionen

  • Kvinner og ungdom

  • Marknadsførings-, utviklings-, og kompetanseoppbyggingstilak

  • Tiltak som i kommunale planar eller vedtak er gjeve høg prioritet

  • Nettverksbygging mellom verksemder

Rettleiande norm for løyving av tilskot er inntil 50% av kapitaltrongen for prioriterte tiltak og inntil 20 % av kapitaltrongen for andre tiltak.


Saksgang

Søknader vert handsama fortløpande av fondstyret.

Alle søknader må sendast inn ved å bruke www.regionalforvaltning.no, og du må definere mål og tiltak samt syne til kostnads- og finansieringsplan.


Utbetaling av tilskot

Når prosjektet er godkjent vert deler av tilskotet utbetalt. Du må det sende inn ein sluttrapport og eit rekneskapsoppsett som viser samla kostnadar med prosjektet for å få utbetalt siste del av tilskotet.

 

 

Støtteordninger


Flere utvalg på støtteordninger
De siste ordningene innen