Bedriftsintern opplæring (BIO)

Bedriftsintern opplæring (BIO-midlar)

Formål: Kva samfunnsutfordring skal ordninga bidra til å løyse? Kva mål i fylkesplanen skal ordninga bidra til å nå?

Støtte til bedriftsintern opplæring kan bli gitt til kompetansetiltak som stimulerer til  grøn omstilling i bedrifter i Møre og Romsdal.

Formålet med grøn omstilling er å redusere klimautsleppa, bevare naturressursar og biodiversitet, og bidra til ei meir rettferdig og berekraftig framtid for alle. Grøn omstilling kan inkludere ei  rekkje tiltak, som energieffektivisering, bruk av fornybare energikjelder, reduksjon av avfall og utslepp frå produksjonen, innføring og utvikling av grøn teknologi og infrastruktur, og fremme av berekraftig produksjon og forbruk.

Det må ligge eit konkret grønt omstillingsprosjekt til grunn for søknaden, og støtta skal nyttast til å styrke kompetansen blant dei tilsette, slik at bedrifta blir i stand til å iverksette og gjennomføre denne omstillinga. Omstillinga vil typisk innebere å:

• gjere vesentlege endringar i produksjon,
• introdusere nye produkt/tenester, eller
• etablere seg i nye marknadar.

Det kan òg søkast om støtte til kompetansetiltak knytt til innføring av smart teknologi og digitalisering, som bidreg til grøn omstilling.

Ta kontakt dersom bedrifta har behov for å gjennomføre bedriftsintern opplæring for å unngå permitteringar eller oppseiingar (etter gamle kriterie for BIO-ordninga) 

Målgruppe: Kven kan søkje?

Bedrifter som har verksemd etablert i Møre og Romsdal, og omstillinga må gjelde verksemd  og tilsette i fylket.

Enkeltbedrifter kan søkje, eller fleire bedrifter i fellesskap der ei av bedriftene står som ansvarleg søkjar. 

Bedrifter som er i ferd med å bli avvikla eller nyetablerte oppstartbedrifter kan ikkje søkje.

Tilbydarar av kursing/undervisning og medlemsorganisasjonar eller liknande, kan ikkje søke på vegne av bedrifter.

Vilkår: Kva kan det søkjast om støtte til?

Opplæringsprosjekt som maksimalt kan vare i 26 veker, inkludert:

• Kurskostnader, som løn til kurshaldar, lokale, servering m.m.

• Kursmateriell – ikkje varig utstyr

• Reiseutgifter knytt til sjølve opplæringa

• Lønnsutgifter til tilsette under opplæring (maksimalt 2/3 av søknadssum) 

Avgrensing: Kva kan det ikkje søkast om støtte til?

Krav til opplæringa

• Opplæringstida for kvar deltakar kan vare inntil 26 veker.
• Opplæringa må være gjennomført innan 18 månader etter at søknaden er innvilga.
• Opplæringa det blir søkt støtte til må ikkje starte før søknad og opplæringsplan er godkjend av fylkeskommunen.

• Søknad skal fyllast ut og sendast inn på www.regionalforvaltning.no
• Søknad skal innehalde ei skildring av det konkrete grøne omstillingsprosjektet som ligg til grunn for kompetansetiltaket, der det går klart fram kva grøne gevinstar dette vil gi.
•  Det må ligge føre ein opplæringsplan som inneheld;
• Hovudmål
• Delmål – milepelar
• Forventa resultat, og korleis resultat skal evaluerast
• Konkrete opplæringsaktiviteter
• Tidsplan
• Tal tilsette i bedrifta
• Tal tilsette som skal delta i opplæringa
• Evt. bruk av ekstern kompetansetilbydar, og kva denne skal bidra med
• Budsjett for opplæringsprosjektet
• Kostnadsplan, inkludert totalbeløp for opplæringsprosjektet
• Finansieringsplan
• Siste årsrekneskap for bedrifta

Økonomiske rammer og vilkår

Det er graderte krav til eigenandel, der minimum er:

• 30 prosent for små bedrifter (1-9 tilsette)
• 40 prosent for mellomstore bedrifter (10-49 tilsette)
• 50 prosent for store bedrifter (fleire enn 50 tilsette)

Maksimalt støttebeløp per prosjekt er 600 000 kroner, og maksimalt 40 000 kroner per deltakar i opplæringa.

Godkjend fast timesats for lønn under opplæring er 500 kroner per time.

Tilskotet blir betalt ut etter at opplæringa er gjennomført, og vi har mottatt sluttrapport gjennom www.regionalforvaltning.no . 

Delutbetaling, avgrensa til inntil 50% av tilskotet, kan vurderast ved særskilde behov.

Søkar må dokumentere utgiftene i eit prosjektrekneskap. Dersom tilskotet er over 200 000 kroner, og verksemda er revisjonspliktig skal prosjektrekneskapen attesterast av revisor. Verksemder utan revisjonsplikt må få attest frå autorisert rekneskapsførar.

Tilskotet vert tildelt som gruppeunntak i medhold av "Forskrift om unntak fra notifikasjonsplikt for offentlig støtte § 1 som henviser til EØS-avtalen vedlegg XV nr. 1j, Kommisjonsforordning (EU) nr. 651/2014, av 17. juni 2014, samt (EU) 2021/1237, av 23. juli 2021".

Støtta vert tildelt som opplæringsstøtte under artikkel nr. 31. 

Søknadsfrist

Søknad må være innsendt via Regionalforvaltning innan 30.10.2023.

Dersom det er kjem inn fleire kvalifiserte søknader og det vert søkt om meir enn ramma som er sett av, vil søknadane bli sett opp mot kvarandre. Då vil dei søknadene som vert vurdert som best med omsyn til krava i utlysinga bli prioriterte.

Økonomisk ramme sett av til ordninga i 2023

6 mill. kroner frå ramme 60 i Økonomiplanen