Restmidlar kommunalt næringsfond

STAD KOMMUNE NÆRINGSFOND

Stad kommunestyre vedtok i møte den 16. september 2021, sak 21/119, reviderte retningslinjer for kommunalt næringsfond for Stad kommune. Stad kommune lyser ut restsummen på kr. 410.000,- frå næringsfondet til tidligare Eid og Selje kommune.

Reviderte retningslinjene kan sjåast her: https://stad.kommune.no/innsyn.aspx?response=journalpost_detaljer&journalpostid=2021027185&scripturi=/innsyn.aspx&skin=infolink&Mid1=568&

Formål
Næringsfondet skal vere eit verkemiddel i arbeidet for å styrke næringsliv og busetjing i kommunen. Fondet
skal nyttast til å fremje etablering av ny næringsverksemd og til vidareutvikling av eksisterande
næringsverksemd. Dei nye retningslinjene bygger på dette utgangspunktet.

I samsvar med tidlegare føringar er det elles lagt vekt på at tiltak i samsvar med kommunen sine planar skal prioriterast.

Tiltak som kan få støtte frå fondet:
• Bedriftsutvikling og planlegging i samband med etablering av ny verksemd.
• Etablerer samarbeidsprosjekt. 
• Planlegging og tilrettelegging av næringsareal.
• Stadutviklingsprosjekt. 

Tildelt tilskot blir utbetalt etter skriftleg oppmoding og framlegging av dokumentasjon av utgifter, slik
det er søkt om. Midlar som ikkje er nytta innan eitt – 1 – år frå tildeling, vert trekt attende og tilbakeført til fondskapitalen. 

Næringsaktørar som ynskjer å søkje tilskot frå det kommunale næringsfondet må levere elektronisk søknad via www.regionalforvaltning.no

Søknadsfrist
Søknadsfrist er 1. november
Vedtak om tildeling av næringsfondsmidlane blir gjort i Utval for kultur, idrett, næring og samfunn sitt møte 30. november.

For spørsmål, kontakt rådgjevar Arild Vonheim, tlf 904 09 929 eller e-post Arild.Vonheim@stad.kommune.no