Kommunal kompensasjonsnordning for lokale verksemder - Solund kommune #2

Solund kommune er tildelt 250.000 kroner til kommunal kompensasjonsordning, løyvd av Stortinget. Fordeling og framdrift er basert på mål og føringar frå Kommunal- og moderniseringsdepartementet, og Veileder for den nasjonalt notifiserte ordningen under Covid19-rammeverket.

Søknadsfrist: 23.01.2022

Føremålet med ordninga:

• Å avhjelpe situasjonen i kommunar med næringsliv som igjen er ramma av nye smittevernstiltak innført i desember 2021.
• Ordninga skal sette kommunane raskt i stand til å avhjelpe situasjonen for lokale verksemder for å oppretthalde arbeidsplassar og viktig kompetanse i bedrifter.
• Dette er også ei ventilordning som kan brukast til å hjelpe dei verksemder som av ulike grunnar fell utanom lønnsstøtteordninga eller den generelle kompensasjonsordninga.
• Sikre likviditet for verksemder som står ovanfor ein mangel eller utilgjengeleg likviditet på grunn av covid-19-pandemien, ved hjelp av direkte tilskot. Ordninga skal rette seg mot lokale verksemder som er spesielt rørt av lokale eller nasjonale smitteverntiltak eller den økonomiske nedgangen som følgje av covid-19-pandemien.
• Likviditeten (i form av dekning av ekstrakostnader og tap) vert betra for det lokale næringslivet; i dette ligg det at verksemdene kan få dekka kostnader og tap. Tilskot kan gjevast til verksemder som kan dokumentere tap av inntekter eller auka kostnader.

Tilskot kan gjevast til:

• Verksemder med tap av omsetning/ inntekt som følgje av covid-19-pandemien eller den påfølgjande økonomiske nedgangen. Eit tap kan målast i form av redusert inntening i ein periode samanlikna med tilsvarande periodar i normalår. Tapet må ikkje kunne dekkast av andre offentlege tilskotsordningar.
• Verksemder med auka kostnader som følgje av eit tiltak for å unngå spreiing av covid-19, og kostnader direkte knytt til covid-19-lavkonjuktur
• Verksemder som er gjenstand for tap av varer pga. Covid-19-pandemien.

Anna relevant informasjon:

• Kommunane har mulegheiter til å prioritere innanfor sin kommune og kommunen har stor fridom til å støtte ulike delar av næringslivet avhengig av den lokale situasjonen.
• Dersom verksemda har motteke anna støtte i samband med covi-19 kan dette føre til heilt eller delvis avkorting.
• Dersom søkjar oppgjev feile opplysningar, kan tilskotet krevjast tilbakebetalt, heilt eller delvis.
• Dersom søknadsbeløpa overskrid kommunen sine disponible midlar, blir tilskotet prioritert etter kva bedrifter som har størst behov og fordelt prosentvis via ein fordelingsnøkkel.

Krav til søkjar:

• Verksemda må ikkje vere under konkursbehandling eller under frivillig/tvungen avvikling, eller ha vore i økonomiske vanskar før koronasituasjonen ramma landet.
• Føretaket må drifte ei lita eller mellomstor verksemd i Solund og ha adresse i Solund. Det gjeld unntak for destinasjonsselskap.
• Søkjar kan ikkje drive innan kommunal regi eller få inntekter fastsett av offentleg sektor.
• Søkjar kan ikkje drifte innan finanssektoren.

   

  Krav til søknad:

• Det må søkjast via regionalforvaltning.no.
• Det kan ikkje søkjast om lån eller garantiar.
• Det må opplysast om kor mykje bedrifta har fått i offentlege tilskot dei 3 siste åra, både i tilknyting til covid-19 og andre tilskot. Oversikten skal også innehalde kommunale tilskot. 
• Søknaden må innehalde:
  • namn på verksemd og organisasjonsnummer.
  • søknadsbeløp.
  • eigenerklæringsskjema  føretak i økonomiske vanskareigenerklæring på om verksemda er i økonomiske vanskar
  • opplysningar om kor mykje bedrifta har fått i offentlege tilskot dei 3 siste åra, både i tilknyting til covid-19 og anna. Oversikten skal også innehalde kommunale tilskot. 
  • krav til dokumentasjon av kostnader og tap. Det er ikkje krav om revisorattestasjon.
  • kort grunngjeving for søknaden der likviditetssituasjonen må beskrivast.

Prioriterte innsatsområde:

• Verksemder ramma av restriksjonane som vart sett i verk desember 2021
• Verksemder med akutte likviditetsproblem
• Oppretthalding av arbeidsplassar og halde på kompetanse i bedrifter

Vurdering av søknader

Alle kriteria som står i utlysinga må vurderast. Sakshandsamarane kan ikkje legge vekt på opplysningar eller forhold som ikkje er står i utlysinga, med unntak av forhold som følgjer av lov.

Ved spørsmål:

Ta kontakt med Solund kommune, avdeling for samfunns- og næringsutvikling:

Leiar Trond Sæbø Skarpeteig, Trond.Saebo.Skarpeteig@solund.kommune.no, tlf. 900 58 182

Rådgjevar Anne Kristine Dyrdal; Anne.Kristine.Dyrdal@solund.kommune.no, tlf.57 78 82 08/ 918 62 055

Utlysinga vil skje i tråd med Veileder H-2496 - Veileder for den nasjonalt notifiserte ordningen under Covid19-rammeverket