(Du er ikke pålogget) 
 

Kommunalt Næringsfond i Fjaler

KOMMUNALT NÆRINGSFOND FJALER 

Treng du støtte til investering eller bedriftsutvikling i di bedrift? Eller har du eit prosjekt som profilerer fleire bedrifter i kommunen?

Fjaler kommune sitt næringsfond skal vere eit virkemiddel i arbeidet med å styrke næringslivet og busetting i kommunen. Fondet skal stimulere til nyskaping og innovasjon i eksisternade næringsliv og etablering av nye verksemder i kommunen.

Fjaler Næringsutvikling (FNU) forvaltar det kommunale næringsfondet i Fjaler kommune. Søknadane vert handsama  styret i FNU. Søknadsfrist 1. april og 1. september.

 

VEDTEKTER FOR KOMMUNALT NÆRINGSFOND FOR FJALER NÆRINGSUTVIKLING 

§1 Heimel, kapital, strategi og lovverk

Næringsfondet i Fjaler kommune får årleg tildeling frå Sogn og Fjordane fylkeskommune etter gjevne retningslinjer. Fylkeskommunen får tildelt midlar til kommunale næringsfond frå Kap. 551, post 60 i dei årlege statsbudsjetta. Fjaler Næringsutvikling forvaltar fondet på vegne av Fjaler kommune.

Retningsgjevande for bruk av fondet er strategisk næringsplan for Fjaler kommune og den årlege handlingsplanen av denne. Handlingsplanen er basert på prioriteringar frå næringslivet og kommunen sine mål, strategiar og prioriterte tiltak for det langsiktige arbeidet med næringsutvikling, og dei til ei kvar tid gjeldande statlege og fylkeskommunale føringar.

 §2 Målsetting

Næringsfondet skal vere eit verkemiddel i arbeidet for å styrke næringsliv og busetting i regionen.

Dette skal skje gjennom nyskaping og innovasjon i eksisterande næringsliv og ved etablering av nye verksemder i regionen.


§3 Forvalting og administrasjon

Forvaltingsorgan
Fjaler Næringsutvikling sitt styre er fondsstyre for søknader om tilskot frå næringsfondet.

Søknadsfrist

Søknadsfrist til næringsfondet er 01. april og 01. september.


Administrasjon
Dagleg leiar skal gje rettleiing til søkjar til fondet, slik at søknadane vert godt dokumenterte i samsvar med gjeldande krav. Dagleg leiar skal legge fram innstilling til bruk av fond som skal handsamast av fondsstyret.

Rapportering

Fjaler Næringsutvikling leverer årsrapport for bruk av næringsfondsmidlar til Fjaler kommune og til fylkeskommunen.

Rekneskap og revisjon
Fondsrekneskap vert ført av Fjaler kommune og blir revidert av kommunen sin revisor. 

§4 Klagehandsaming
Vedtak om tildeling eller avslag på søknad kan klagast inn for ei eiga klagenemnd. Klagenemnda er formannskapet i Fjaler kommune.
 

§5 Vilkår
Støtte frå fondet skal gjevast som tilskot.
Tilskot frå fondet skal ha utløysande effekt. Det vil mellom anna seie at prosjekt som er starta opp ved innsending av søknad, ikkje kan tildelast tilskot.Dersom prosjektet det er gjeve tilskot til vert vesentleg endra, skal det sendast skrifteleg søknad til Fjaler Næringsutvikling om løyve til endring. Som hovudregel vert det gjeve tilskot ein gong til same prosjekt. Unntaksvis kan det  gjevast utvida tilskot dersom det skjer vesentlege endringar eller utvidingar av prosjektet.

§6 Løyvingsføremål og støttetypar

Generelt

Fondet skal nyttast til tiltak som fremjar næringsutvikling og busetting i regionen, og skal nyttast som tilskot som utløysande effekt for gjennomføringa. Verkemiddel kan vere bruk av tilskot til etablering, bedriftsutvikling, investering, regionalt samarbeid, kunnskapsretta infrastruktur og arrangement.  Ungdom, kvinner og innvandrarar er prioriterte målgrupper ved tildeling av midlar. Satsing på kunnskapsintensive og kreative verksemder skal prioriterast.

 Investeringstilskot

Det kan gjevast støtte til investering i bygg, maskiner og utstyr.
Tilskotsprosenten er inntil 30 % av totalkostnad i investeringsprosjektet, på inntil kr. 500 000,-
Beløpsgrenser for samla kapitalbehov skal til ei kvar tid vere i samsvar med fylkeskommunen sine vedtekne beløpsgrenser, for tida kr. 500 000,- Søknader med større kapitalbehov skal handsamast av Innovasjon Norge. Minimumsbeløp for å definere ein kostnad som investering er netto kr 15 000,- per investeringssøknad. Mindre kostnader vert vurderte til å vere driftsutgifter og har ikkje rett til støtte.

 Bedriftsutviklingstilskot

Det kan gjevast støtte til utviklingskostnader knytt til:

-          Etablering (som: utgreiing, næringsutvikling, planlegging, opplæring, rådgjeving)

-          Utvikling av verksemd (som: profil, kurs, produktutvikling, marknadsutvikling, tilrettelegging)


Tilskotsprosenten er inntil 50 % av totalkostnad i prosjektet, på inntil kr. 200 000,-
Beløpsgrenser for samla kapitalbehov skal til ei kvar tid vere i tråd med fylkeskommunen sine vedtekne beløpsgrenser, for tida kr 200 000,- Søknader med større kapitalbehov skal handsamast av Innovasjon Norge.

 Tilskot til tiltaksapparat og kunnskapsretta infrastruktur

Det kan gjevast støtte til regionalt samarbeid, etablereropplæring, samarbeid skule/næringsliv og lokale analyser og utgreiingar. Tilskotsprosent er inntil 100% av totalkostnad i prosjektet, utan øvre beløpsgrense.

 Arrangementsstønad

Det kan gjevast støtte til arrangement med føremål å:

-          Marknadsføre Fjaler mot personar som kan tenkje seg å flytte hit, etablere verksemd her,  eller investere i næringsutvikling i Fjaler.

-          Utvikle næringslivet i kommunane for å auke konkurransekrafta.

-          Profilere fleire verksemder i regionen på ein regional, nasjonal eller internasjonal marknad.

 Tilskotsprosent er inntil 100% av totalkostnad i prosjektet, utan øvre beløpsgrense.

§7 Avgrensingar
Fondsmidlar kan ikkje nyttast til sanering av gjeld, aksjeteikning, eigenkapital, varekjøp, grunnlagsinvesteringar eller finansiering av ordinære drift av verksemder eller kommunar.
Tiltak som nyt godt av andre kommunale tilskotsordningar, eller tilskot frå stat/fylkeskommune (inkl. primærnæringane), skal i utgangspunktet ikkje kunne få tilskot frå fondet. Det skal visast varsemd med å gje støtte til nyetableringar av detaljhandel og anna serviceverksemd, som kan verke konkurransevridande.

 Midlane kan ikkje nyttast til politikkførebuande aktivitet internt hjå forvaltar eller i regi av forvaltar.

Støtte til enkeltbedrifter vert gjeve etter reglane for bagatellmessig støtte. Enkeltbedrifter kan ikkje ha motteke meir enn 200 000 euro i samla offentleg støtte i løpet av dei siste tre rekneskapsåra.

 §8 Utbetaling av tilskot

Løyving frå fondet skal som hovudregel vere nytta innan eit år frå løyvingsdato. Etter søknad, med grunngjeving, kan dagleg leiar forlenge fristen med inntil eit år.

 Utbetaling av tilskot kan delast i to utbetalingar. Delutbetaling skal berre skje på grunnlag av dokumenterte utlegg og rapport som syner til resultat i samsvar med søknad som er lagt til grunn for tilskotet.

Ved oppmodning om sluttutbetaling skal det ligge føre eit prosjektrekneskap og ein skriftleg rapport over prosjektet. Rekneskapen skal kunne samanliknast med kostnadsoverslaget i søknaden, og syne korleis tilskotet er nytta. Bedrifter skal også rapportere kor mykje samla bagatellmessig støtte (frå kommune, fylke, Innovasjon Norge og andre) den har motteke dei siste tre kalenderåra. Rekneskapen skal vere attestert av revisor eller godkjent rekneskapsførar. Sluttrapport skal gje ei framstilling av kva prosjektet har bidrege til i form av utvikling og sysselsetting i verksemda.



Ta gjerne kontakt med oss for rettleiing før du sender inn søknaden din.

Kontaktperson: Trond Thomassen, Daglig leder Fjaler Næringsutvikling. Mail: Trond.Thomassen@fnu.no, Mobil +47 95 22 5058.

 

 


 

 

 

 

 

 

 

Støtteordninger


Flere utvalg på støtteordninger
De siste ordningene innen