Nye Covid-19 midlar- til lokale verksemder særleg hardt ramma av nedstenging

Nye kommunale Covid-19 midlar- retningsliner for tildeling til  lokale verksemder særleg hardt ramma av smitteverntitak

KMD har i brev av 25.februar og 15.april og etter budsjettvedtak av 23.februar 2021 gjett ei løyving på i alt kr 1.726.800 kr til Øystre Slidre kommune.

Grunngjevinga for  tilskotet er  å sette kommunane betre i stand til å styrke  lokale verksemder, særleg hardt ramma av lokale eller nasjonale smitteverntiltak. Det er ei forventning om at tildeling skjer så raskt som mogleg for å betre situasjonen for bedrifter og verksemder.

Foredlinga av den samla nasjonale løyvinga er knytt til tilsette i overnattings- og serveringsbransjen i kommunen, til talet på tilsette innan idrett og friluftsliv vinterstid, og kommunar  med redusert varehandel  knytt til særleg høgt tiltaksnivå på smitteverntiltaka.

Midlane skal særleg nyttast til støtte som kompenserer verksemdenes kostnadar eller tap som følgje av førebyggande tiltak  og nedstenging. Reiseliv og serveringsnæringar, og andre verksemder som fell utanfor generelle kompensasjonsordningar. Ein kan og gje støtte til destinasjonsselskap og andre fellestiltak for reiselivet  med stor omsetningssvikt i 2020/2021.

Kommunestyret vedtok desse retningslinene for tildeling og sakshandsaming av søknader om støtte :

Bedrifter eller føretak må dokumentere eit reelt tap på minimum 20 % og minst 50 000 kr samla for rekneskapsåret 2020 og for perioden januar-mai 2021 for å vera søkegode.Tapet må vere dokumentert av revisor eller autorisert rekneskapsfører og syne   rekneskapsmessig resultat i 2019 og 2020.  Omsetningstap frå nyttår og fram til 1.05.2021, der eventuelle tildelingar frå andre kompensasjonsordningar knytt til Covid-19 inngår, er med i ordninga, og må dokumenterast i høve same periode i 2019. Når kommunen har ei samla oversikt over innkomne søknader vil alle få lik prosentvis dekning av resterande tap ut frå midlane kommunen har til rådvelde. Søkjarar som ikkje har fått tilskot frå andre Covid-19 ordningar kan få høgare prosentsats.

Søknadsfrist blir sett til 1/6.

Søknader og  sakshandsaming skal skje på Regionalforvaltning.no.

Støtta skal  i hovudsak bli gitt innanfor reglane om «Bagatellmessig støtte», samt kommunelova og forvaltningslova sine bestemmingar.

Kontaktperson:

Kjell Håvard Tuv

Leiar næring,plan og byggesak

Tlf 61352527